Թուրքիայի արտգործնախարար Մևլութ Չավուշօղլուն հայտարարել է, որ Հայաստանի հետ չարտերային ավիահաղորդակցություն կբացեն, հայտնում է Reuters-ը։
«Թուրքիայի և Հայաստանի միջև հարաբերություններ հաստատելու նպատակով չարտերային ավիահաղորդակցություն կբացվի»,-ասել է նա՝ ելույթ ունենալով երկրի խորհրդարանում։
Նա ասել է, որ կվերսկսվեն Ստամբուլ-Երևան չարտերային թռիչքները:
Չավուշօղլուն հայտարարել է, որ իր երկիրը և Հայաստանը հատուկ ներկայացուցիչներ կնշանակեն հարաբերությունների կարգավորման համար։ ՀՀ ԱԳՆ-ն արձագանքել է հայտարարությանը՝ հաստատելով ներկայացուցիչներ նշանակելու մասին նրա խոսքերը։ «Հայկական կողմը ևս երկխոսության համար հատուկ ներկայացուցիչ կնշանակի»,-ասվում է ՀՀ ԱԳՆ մամուլի քարտուղարի պատասխանի մեջ։