Արցախի տեղահանված գյուղերի բնակիչները նոր բնակավայր կունենան։ Աստղաշենի վարչական տարածքում ակտիվ ընթանում են նոր բնակավայրի կառուցման աշխատանքներ, գրում է Civilnet-ը։
Նոր ստեղծվող բնակավայրում ապրելու են Սղնախ, Մոշխմհատ, Մադաթաշեն և Ջրաղացներ գյուղերի՝ պատերազմի հետևանքով տեղահանված բնակիչները։
Շինաշխատանքները իրականացնում է «Կապավոր» ՍՊԸ-ն՝ «Հայաստան» համահայկական հիմնադրամի ֆինանսավորմամբ։
2021 թվականի նոյեմբերի տվյալներով Հայաստանում է գտնվում Արցախից տեղահանված մոտ 5300 ընտանիք կամ 20,500 բնակիչ։