Ուկրաինան հորդորել է Եվրամիությանն անհապաղ ընդունել իրեն այդ կազմակերպության կազմում։ Այդ մասին հայտարարել է Ուկրաինայի նախագահ Վլադիմիր Զելենսկին իր տեսաուղերձում։
«Մենք դիմել ենք Եվրամիությանը նոր հատուկ ընթացակարգով անհապաղ անդամակցության խնդրանքով»,- ասել է նա, հայտնում է Interfax-ը։
Զելենսկին հավելել է, որ նման որոշումն արդար կլինի և ուկրաինացիները վաստակել են այդ իրավունքը։
Ավելի վաղ նա արդեն խոսել էր այդ մասին՝ նշելով, որ եկել է ԵՄ-ում անդամակցության մասին որոշման համար վճռական պահը։
Եվրահանձնաժողովի նախագահ Ուրսուլա դեր Լյայենը հայտարարել էր, որ Բրյուսելը ցանկանում է տեսնել Ուկրաինային ԵՄ կազմում։
«Նրանք մենակ են և մենք ցանկանում ենք, որ նրանք լինեն մեզ հետ»,-ասել է նա՝ կոնկրետ ժամկետներ չնշելով։
2019 փետրվարին Ուկրաինայի այն ժամանակվա նախագահ Պյոտր Պորոշենկան օրենք ստորագրեց սահմանդարական փոփոխությունների մասին, որոնք առնչվում են ԵՄ-ին և ՆԱՏՕ-ին անդամակցելու երկրի ռազմավարական ուղղությանը։