ՀՀ էկոնոմիկայի նախարար Վահան Քերոբյանը, կառավարության նիստում խոսելով պարենային լուրջ մարտահրավերի մասին, գյուղացիներին կոչ է արել «մաքսիմալ շատ մշակել իրենց հողերը»։
«Բազմաթիվ մարտահրավերները հաշվի առնելով՝ պարենային անվտանգության լուրջ մարտահրավեր է ակնկալվում։ Բայց մյուս կողմից, քանի որ սննդամթերքի գներն աճելու են, գյուղատնտեսությունն ավելի հրապուրիչ է դառնում։ Այն, ինչ 1-2 տարի առաջ ձեռնտու չէր, հիմա գրավիչ դառնա;»,-ասել է նախարարը։
Նա կոչ է արել անմշակ հողատարածքներ ունեցողներին մշակել այդ հողերը, քանի որ պահանջարկը լինելու է։
Վարչապետ Նիկոլ Փաշինյանն էլ իր հերթին ասել է, որ վերջին 2 տարում «գնաճային երկրաշարժեր են տեղի ունենում»՝ Covid-ով և աշխարհաքաղաքական զարգացումներով պայմանավորված։
«Այս առումով, այո, լավատեսական ոչինչ առջևում չի սպասվում։ Բայց մյուս կողմից, եթե լավատեսական բան գտնենք, աճելու են գյուղատնտեսական արտադրանքի գները»,-ասել է նա: