Էկոնոմիկայի նախարար Վահան Քերոբյանը ֆեյսբուքյան իր էջում գրել է, որ պլանավորում են էապես հարստացնել մշակութային կյանքը, նա խոստացել է մի քանի օրից հայտնել «գերաստղերի հայաստանյան համերգների մասին»։
«Այս տարի (և այսուհետև) պլանավորում ենք էապես հարստացնել մշակութային կյանքը և ինքներս մեզ ու զբոսաշրջիկներին առաջարկել ոչ միայն հացիվ, այլև բանիվ։
Գարուի համերգն արդեն իսկ անշլագով է սկսվում, տոմսերը համարյա սպառված են։
Հ.Գ. Մի քանի օրից կհայտնեմ գերաստղերի հայաստանյան համերգների մասին»,-ասվում է գրառման մեջ։
Ֆրանսիացի հայտնի երգիչ Գարուի համերգը տեղի կունենա ապրիլի 21-ին և 22-ին Կարեն Դեմիրճյանի անվան մարզահամերգային համալիրի համերգային դահլիճում։ Համերգը կազմակերպվել է Ֆրանկոֆոնիային Հայաստանի լիիրավ անդամակցության 10–ամյակի կապակցությամբ։