«Դիմադրություն» շարժման մասնակիցները շարժման անդամ Իշխան Սաղաթելյանի կոչով շրջափակել են Երևանի քաղաքապետարանի շենքը։
«Մարդկանց տարակարծության համար գործից հանում են, ճնշում են։ Դե թող հիմա տեսնեն` ճնշումը որն է»,–հայտարարել է Սաղաթելյանը, տեղեկացնում է Sputnik Արմենիան։
Քաղաքապետարանի գլխավոր մուտքի մոտ մեծաքանակ ոստիկանական ուժեր կան, հրմշտոց է սկսվել ոստիկանների և ակցիայի մասնակիցների միջև։
«Ներս չենք մտնում, սակայն բոլոր մուտքերը շրջափակում ենք»,–ասել է Սաղաթելյանը։
Ոստիկանները փորձում են հեռացնել ակցիայի մասնակիցներին մուտքի մոտից։
Հայաստանում բողոքի նոր ալիքը բարձրացել է ՀՀ վարչապետ Նիկոլ Փաշինյանի Արցախի վերաբերյալ հայտարարությունից հետո, ըստ որի միջազգային հանրությունն ակնկալում է հայկական կողմից, որ «իջեցնի նշաձողը» ԼՂ կարգավիճակի հարցում։