Սյունիքի մարզի Վերին Խոտանան համայնքի գերեզմանատան տարածքում անհայտ անձի կողմից մեխանիզմի կիրառմամբ կատարվել են շինարարական աշխատանքներ, ինչի հետևանքով փլվել է եկեղեցու պատի մի հատվածը, ինչպես նաև հողաշերտի տակից դուրս են եկել տապանաքարեր ու խաչքար,տեղեկացնում են ՀՀ ոստիկանությունից։

Հունիսի 17-ին ոստիկանությունը գրություն է ստացել։

Կապանի բաժնի ծառայողները պարզել են, որ նշված վայրում, առանց համապատասխան թույլտվության, տրակտորով ճանապարհի հարթեցման աշխատանք է կատարել Կապան քաղաքի 37-ամյա մի բնակիչ:

Նա ներկայացել է Կապանի բաժին և տվել խոստովանական բացատրություն:

Նախապատրաստվում են նյութեր: