Թուրքիայում ահաբեկչություններ են պատրաստվում մի շարք պաշտոնատար անձանց դեմ: «ժողովրդական ազատագրության հեղափոխական ճակատ» ահաբեկչական խումբն ուղարկել է Թուրքիայի արդարադատության նախարարությանը ֆաքս, որում զգուշացրել է պատրաստվող ահաբեկչությունների մասին: Ինչպես տեղեկացնում է «Արմինֆո» գործակալությունը` վկայակոչելով Բաքվի ԶԼՄ-ները, ահաբեկիչները «մահվան դատավճիռ» են կայացրել 14 պաշտոնատար անձանց նկատմամբ, որոնք, ըստ նրանց, մեղավոր են 1999 թվականի հոկտեմբերին Թուրքիայի բանտերում կատարված իրադարձություններում, ինչի արդյունքում զոհվել են մեծ թվով բանտարկյալներ: Դատապարտվածների թվում են` Թուրքիայի արդարադատության նախարար Հիքմեթ Սամիթյուրքը, մեկ գեներալ եւ տասներկու բարձրաստիճան զինվորականներ: Թուրքիայի արդարադատության նախարարությունը զգուշացրել է այդ անձանց հնարավոր ահաբեկչությունների մասին եւ հատկացրել թիկնապահներ: Լրատվության արտատպելու կամ օգտագործելու դեպքում հղումը "PanARMENIAN.Net"-ի վրա պարտադիր է: