Վրաստանի խորհրդարանի արտաքին հարաբերությունների հանձնաժողովի նախագահ Նիկոլոզ Սամխարաձեն Բիրմինգհեմում ԵԱՀԿ Խորհրդարանական վեհաժողովում ասել է, որ պատրաստ են Թբիլիսիում անցկացնել Ադրբեջանի և Հայաստանի խորհրդարանների անդամների հանդիպում, հայտնում է Report.az-ը։
Խոսելով Հարավային Կովկասում կայունության և խաղաղության կարևորության մասին՝ հանձնաժողովի նախագահը հայտարարել է, որ Վրաստանը պատրաստ է կայունացնող դեր խաղալ տարածաշրջանում խաղաղության ապահովման գործում։
«Մենք պատրաստ ենք ընդունել Թբիլիսիում մեր ադրբեջանցի և հայ գործընկերներին՝ խաղաղ երկխոսությանը նպաստելու նպատակով»,-ասել է նա։
Նիկոլոզ Սամխարաձեն ԵԱՀԿ ԽՎ-ում Վրաստանի պատվիրակության ղեկավարն է: