Ադրբեջանի ԶՈւ N զորամասի հրամանատարը Քարվաճառում պայթել է ականի վրա։ Վուղար Իսբենդիյարովը ծանր վնասվածքներ է ստացել հակահետևակային ականի պայթյունից։ Այդ մասին հայտնել է Ադրբեջանի պաշտպանության նախարարությունը։
Դեպքը տեղի է ունեցել հուլիսի 26-ի երեկոյան, գրում է ադրբեջանական APA գործակալությունը։
Մինչդեռ սոցցանցերի ադրբեջանցի օգտատերերը գրում են մի քանի բարձրաստիճան զինվորականների ականի պայթյունից տուժելու մասին, այդ թվում՝ գեներալի։
Ադրբեջանի ՊՆ-ն այդ լուրերն անհիմն է համարել և կոչ է արել «չտարածել տեղեկատվություն, որը պաշտոնական հաստատում չի ստացել»։