ՀՀ ԱԳ նախարարության մամուլի քարտուղար Վահան Հունանյանը, պատասխանելով Թայվանի շուրջ իրավիճակի սրման և ՀՀ դիրքորոշման մասին հարցին, ասել է, որ Հայաստանը սատարում է «մեկ Չինաստան» սկզբունքին, տեղեկացնում է Ռադիոլուրը։
«Հայաստանը բազմիցս արտահայտել է իր դիրքորոշումն առ այն, որ սատարում է «մեկ Չինաստանի» սկզբունքին։ Մեր դիրքորոշումն անփոփոխ է»,- ասել է նա։
ԱՄՆ Կոնգրեսի Ներկայացուցիչների պալատի խոսնակ Նենսի Փելոսին այցելել է Թայվան և ելույթ է ունեցել Թայվանի խորհրդարանում։ Սա վերջին 25 տարում այդ կարգի պաշտոնյայի առաջին այցն էր կղզի։ Չինատանը որպես բողոքի նշան ԱԳՆ է կանչել Չինաստանում ԱՄՆ դեսպանին։
Չինաստանն ի պատասխան ԱՄՆ Կոնգրեսի Ներկայացուցիչների պալատի խոսնակ Նենսի Փելոսիի Թայվան կատարած այցի մասնակիորեն դադարեցրել է առևտուրը Թայվանի հետ։
