Արցախի Հանրապետության նախագահ Արայիկ Հարությունյանըսեպտեմբերի 8-ին բարերար Ռուբեն Վարդանյանի հետ հանդիպմանը ողջունել է Վարդանյանի՝ Արցախ տեղափոխվելու և Արցախի անվտանգության ապահովման ու զարգացման գործում անմիջական մասնակցություն ունենալու որոշումը։
Նա հույս է հայտնել, որ այն օրինակ կծառայի աշխարհասփյուռ շատ հայերի համար։
Հանդիպման ընթացքում քննարկվել են համագործակցության հեռանկարները։
Հայտնի գործարար, հասարակական գործիչ Ռուբեն Վարդանյանը, որը հայտարարել է ՌԴ քաղաքացիությունից հրաժարվելու և Արցախ տեղափոխվելու մասին, Forbes-ին տված հարցազրույցում ասել է, որ Արցախյան երկրորդ մեծ պատերազմից հետո կյանքն իր համար բաժանվել է երկու մասի՝ պատերազմից հետո և առաջ: Վարդանյանն ասել է նաև, որ կարող է այնպիսի իրավիճակ ստեղծվել, երբ ինքը ստիպված կլինի և ճիշտ կհամարի պետական պաշտոն զբաղեցնել։
