ՀՀ ժողովրդական արտիստ, կոմպոզիտոր Տիգրան Մանսուրյանի ծննդյան օրը Կարեն Դեմիրճյանի անվան Երևանի մետրոպոլիտենի բոլոր կայարաններում կհնչի նրա երաժշտությունը։

Մանսուրյանի ստեղծագործությունները կհնչեն նրա ծննդյան օրվա նախօրեից՝ հունվարի 26-ից, երեք օր շարունակ, հայտնում է Երևանի մետրոպոլիտենի մամուլի ծառայությունը։

Տիգրան Մանսուրյանն իր ծննդյան օրը նշում է հունվարի 27-ին։

Հունվարի 27-ին՝ ՀՀ ժողովրդական արտիստ, կոմպոզիտոր Տիգրան Մանսուրյանի ծննդյան օրը, կկայանա «Մանսուրյան․ խոսքի և մեղեդու խաչմերուկին» խորագրով համերգ, որի ընթացքում կներկայացվեն մաեստրոյի ստեղծագործությունները։

«8 հայրեն սիրո, պանդխտության և լուսնյակ գիշերների» ստեղծագործությունը համաշխարհային պրեմիերա է, իսկ «Օրհներգ - Նավապետ Բարի»-ն, որ գրվել է Մեսրոպ Մաշտոցի խոսքերով, Հայաստանում կներկայացվի առաջին անգամ։