Կարմիր Խաչի միջազգային կոմիտեի ներկայացուցիչները վերջին անգամ Բաքվում գերության մեջ պահվող հայերին այցելել են փետրվարի վերջին, մարտի սկզբին։ Այս մասին հայտնել է Կարմիր Խաչի հայաստանյան գրասենյակի հաղորդակցման և կանխարգելման ծրագրերի ղեկավար Զառա Ամատունին, տեղեկացնում է «Փաստինֆոն»։
Գերիները հնարավորություն են ունեցել հեռախոսազրույց ունենալ իրենց ընտանիքի անդամների հետ, նամակներ ու տեսագրված հաղորդագրություններ փոխանակել։
Ադրբեջանական կողմը հաստատել է 33 գերության մեջ պահվող անձի մասին տեղեկությունները։