Ադրբեջանը ջրի պակասից առավելա տառապող 20 երկրի թվում է։ Այդ մասին հայտարարել է ՄԱԿ–ի Պարենային և գյուղատնտեսական կազմակերպության ներկայացուցիչ Մուհամմադ Նասարը Բաքվում։

«Ադրբեջանում ջրային ռեսուրսների 70 տոկոսն օգտագործվում է գյուղատնտեսության կարիքների համար։ Հուսով եմ, որ գյուղատնտեսության և սննդային գիտությունների ֆակուլտետը կնպաստի ջրային ռեսուրսների առավել արդյունավետ օգտագործմանը»,–ասել է նա, գրում է Haqqin.az-ը։

ՄԱԿ ներկայացուցիչը նշել է նաև, որ աշխարհում ջրային օբյեկտների միայն 3-4 տոկոսը կարող է օգտագործվել որպես խմելու ջուր։