Հայաստանում ադրբեջանցիների վերաբնակեցման հարց չի քննարկվում հայ-ադրբեջանական հարաբերությունների կարգավորման գործընթացի շրջանակում։ Այդ մասին հայտնել են ԱԳ նախարարությունից Factor.am-ի՝ ՀՀ վարչապետին ուղղված գրավոր հարցմանն ի պատասխան։
Նոյեմբերի 4-ին ՀՀ ԱԳ նախկին նախարար Վարդան Օսկանյանը ֆեյսբուքյան իր էջում տեսանյութ էր հրապարակել և հայտարարել, որ Փաշինյանը համաձայնություն է տվել ադրբեջանցիների՝ Հայաստան վերադառնալուն։
Նաև հարցեր են ուղղվել Փաշինյանին, թե ընդհանրապես ի՞նչ կարծիք ունի ադրբեջանցիների ենթադրյալ վերադարձի մասին։ Ոչ ՀՀ Կառավարությունը, ոչ ԱԳՆ-ն այս հարցին չեն անդրադարձել։
Վարդան Օսկանյանն ավելի վաղ ասել էր․ «Փաշինյանն ու իր իշխանությունն արդեն մեկ տարուց ավելի է, ինչ քննարկում են ադրբեջանցիների՝ Հայաստան գալու հարցն ու համաձայնություն են տվել»:
