Հայաստանի թենիսի հավաքականն ավարտել է ապրիլի 29-ից մայիսի 3-ը Կոտ-դ'Իվուարում ընթացող Դեւիսի Գավաթի եվրոաֆրիկյան գոտու 4-րդ խմբի մրցաշարի ելույթները: Հայ թենիսիստները պարտություն են կրել բոլոր հակառակորդներից, բացառությամբ Կամերունի հավաքականի, որին հաղթել է 3:0 հաշվով: Մենախաղերում Աշոտ Գեւորգյանը պարտության է մատնել Պյեր Դամյենին 6:2, 6:3 հաշվով, իսկ Հարություն Սոֆյանը հաղթել է Սելեստին Նկուելին երկու սեթերում 6:3, 6:4 հաշվով: Առաջին մենախաղը նույնպես ավարտվել է Հայաստանի հավաքականի օգտին 6:2, 6:3 հաշվով:

Այդ հաղթանակի շնորհիվ հայ թենիսիստները մրցաշարում մեկ կարգ բարձր ուղեգիր ձեռք բերեցին, այսինքն Դեւիսի Գավաթի եվրոաֆրիկյան գոտու 3-րդ որակավորման խումբ:

Նշենք, որ Հայաստանի հավաքականին, 3-րդ որակավորման խումբ ուղեգիր ձեռք բերելու համար, բավական էր մտնել խմբի առաջին քառյակի մեջ:

Դեւիսի Գավաթում Հայաստանի հավաքականի խաղերի արդյունքները`

Գանա-Հայաստան-3:0
Կոտ-դ'Իվուար-Հայաստան-2:1
Զիմբաբվե- Հայաստան-2:1
Կամերուն-Հայաստան-0:3

Դեւիսի Գավաթում Հայաստանի հավաքականը թիմի ավագ Վահե Ավետիսյանի գլխավորությամբ ներկայացնում էին Հարություն Սոֆյանը, Հենրիխ Նիկողոսյանը եւ Աշոտ Գեւորգյանը: