Ադրբեջանի Միլլի Մեջլիսի պատգամավոր Ֆազաիլ Աղամալին երկրի խորհրդարանում Հայաստանի դեմ ռազմական ագրեսիայի կոչ է արել։
Նա ասել է, որ քանի դեռ «ՀՀ–ն ծանր սպառազինություն չունի, պետք է ռազմական գործողություն սկսել և Ադրբեջանին միացնել 8 գյուղ։
Նա հավելել է, որ Ադրբեջանի քաղաքականությունը միշտ «խաղաղասեր է եղել և հիմնված համամարդկային արժեքների վրա», գրում է Lenta.ru-ն՝ ադրբեջանական լրատվամիջոցներին հղումով։
«Հայաստանը ռևանշիստկան մտքերով Ադրբեջանի դեմ պատերազմի է պատրաստվում․․․ Մենք կգնանք մինչև վերջ և չենք հանձնվի։ Քանի դեռ Հայաստանը չունի ծանր սպառազինություն, մենք պետք է ռազմական գործողություն իրականացնենք և 8 օկուպացված գյուղերը միացնենք հողերին»,– ասել է նա։
Աղամալին մտահոգված է Հունաստանի և Ֆրանսիայի հետ ՀՀ ռազմական ակտիվ համագործակցությամբ։