Ադրբեջանի պաշտպանության նախարար Զաքիր Հասանովը Թուրքիայում է, որտեղ իր թուրք պաշտոնակից Յաշար Գյուլերի հետ քննարկել է Բաքվի և Անկարայի ռազմական գործակցության հեռանկարները։
Քննարկվել են նաև տարածաշրջանային անվտանգության հարցեր։ Այդ մասին հայտնել է Ադրբեջանի պաշտպանության նախարարությունը, գրում է Interfax.az-ը։
«Հանդիպման ժամանակ քննարկվել են գործակցության հեռանկարները ռազմական, ռազմատեխնիկական, ռազմակրթական և այլ ոլորտներում։ Քննարկվել են նաև հետաքրքրություն ներկայացնող այլ հարցեր»,–ասվում է հաղորդագրության մեջ։
Ավելի վաղ հայտնի դարձավ, որ Բաքուն ռազմական գործակցության հեռանկարներն է քննարկել Իսլամաբադի և Դոհայի հետ: