Իրանի ռազմական գերատեսչության ղեկավար Մոհամմադ Ռեզա Ղարաի Աշթիանին Հայաստանի պաշտպանության նախարար Սուրեն Պապիկյանի հետ հանդիպման ժամանակ ասել է, որ ԻԻՀ-ն մեծ նշանակություն է տալիս ՀՀ հետ հարաբերություններին։
Նա ասել է, որ կովկասյան տարածաշրջանում Իրանը հավատարիմ կմնա իր քաղաքականությանը և կաջակցի Ադրբեջանի և Հայաստանի միջև ուղիղ կապերին։
«Իրանի վճռական դիրքորոշումը տարածաշրջանի երկրների տարածքային ամբողջականությանն ու իր տարածքի հանդեպ ինքնիշխանությանն աջակցելն է, ոչ թե միջազգայնորեն ճանաչված սահմանների փոփոխությունը»,–ասել է նա։
Նա նաև նշել է, որ տարածաշրջանային անվտանգությունը պետք է ապահովեն տարածաշրջանի երկրները և այդ քաղաքականությանը հակասող ցանկացած մոտեցում անընդունելի է, հայտնում է Mehr գործակալությունը։
Պապիկյանն իր հերթին ասել է․ «Մեզ համար շատ կարևոր է, որ երկու երկրները նույն վերաբերմունքն ունենան տարածաշրջանի կայունությանը»։
Պաշտոնական այցով Իրանում գտնվող ՀՀ պաշտպանության նախարար Սուրեն Պապիկյանը և Իրանի պաշտպանության ու զինված ուժերի աջակցման նախարար Մոհամմադ Ռեզա Ղարաի Աշթիանին մի շարք պայմանավորվածություններ են ձեռք բերվել փոխադարձ հետաքրքրություն ներկայացնող հարցերի շուրջ: Քննարկվել են պաշտպանության բնագավառում համագործակցության ներկայիս ընթացքը և զարգացման հեռանկարները:
Պապիկյանը հանդիպել է նաև Իրանի զինված ուժերի շտաբի պետ, գեներալ-մայոր Մոհամմադ Բաղերիի հետ: