Լեմկինի ցեղասպանությունների կանխարգելման ինստիտուտըկոչ է արել միջազգային հանրությանն անհրաժեշ քայլեր ձեռնարկել բոլոր հայ ռազմագերիների վերադարձն Ադրբեջանից ապահովելու համար։ Այդ մասին ասվում է ինստիտուտի հայտարարության մեջ։
«Լեմկինի ցեղասպանությունների կանխարգելման ինստիտուտը խստորեն դատապարտում է Ադրբեջանի կողմից Արցախի Հանրապետության հայ պաշտոնյաների և խաղաղ բնակիչների ապօրինի ազատազրկումը։ Հաշվի առնելով այդ անձանց մարդու իրավունքների լուրջ խախտումների, այդ թվում մահվան վտանգը, ուժեղ միջազգային ներկայության անհրաժեշտությունը երբեք ավելի հրատապ չի եղել։
Լեմկինի ինստիտուտը կոչ է անում միջազգային հանրությանն անհրաժեշտ քայլեր ձեռնարկել բոլոր հայ ռազմագերիների, գերիների պատանդառված բոլոր պաշտոնյաների ու քաղաքացիական անձանց օպերատիվ և անվտանգ վերադարձն Ադրբեջանից ապահովելու համար»,–ասվում է հայտարարության մեջ։
Բաքուն կալանքի տակ է պահում Արցախի նախկին նախագահներ Արկադի Ղուկասյանին, Բակո Սահակյանին, Արայիկ Հարությունյանին, նախկին ԱԳ նախարար Դավիթ Բաբայանին, ԱԺ նախագահ Դավիթ Իշխանյանին, գեներալներ Լևոն Մնացականյանին, Դավիթ Մանուկյանին և նախկին պետնախարար Ռուբեն Վարդանյանին։ Բաքուն պաշտոնապես հաստատում է 23 հայերի գերեվարման փաստը։