Դեսպան․ Ֆրանսիայի աջակցությամբ Կապանում 2 նոր բժշկական շարժական թիմ է տեղակայվում
ՀՀ-ում Ֆրանսիայի դեսպան Օլիվիե Դըկոտինյին հայտնել է, որ ֆրանսիական կողմի աջակցությամբ Կապանում երկու նոր բժշկական շարժական թիմ է տեղակայվում։ Այդ մասին նա գրել է X-ի իր միկրոբլոգում։
«Սանտե Արմենի» ՀԿ-ի երկու նոր բժշկական շարժական թիմի տեղակայում Կապանում:
Ֆրանսիայի բժշկական օգնությունը հասանելի կլինի նույնիսկ Սյունիքի մեկուսացված գյուղերում՝ Ֆրանսիայի Եվրոպայի և արտաքին գործերի նախարարության և Օվերն-Ռոն-Ալպեր շրջանի աջակցությամբ»,–ասվում է գրառման մեջ։
Դեսպանը նաև հանդիպում է ունեցել Սյունիքի մարզպետ Ռոբերտ Ղուկասյանի հետ, քննարկվել են անվտանգային իրավիճակը, ենթակառուցվածքների զարգացումը, բժշկական համագործակցությունը, Օվերն-Ռոն-Ալպեր շրջանի հետ գործընկերությունը։ Նա այցելել է նաև Կապանի օդանավակայան։
