Մայիս-հոկտեմբեր ամիսներին ողջ Հայաստանի միջնակարգ դպրոցներում, ինչպես նաեւ ԵՊՀ-ում եւ Երեւանի Թատրոնի եւ կինոյի ինստիտուտում տեղի կունենան միջոցառումներ` նվիրված հայկական սփյուռքի մեծ գործիչների գործունեությանը: Միջոցառման նպատակն է հայրենասիրության զարգացումը, հայ ժողովրդի մեծանուն զավակների նկատմամբ հարգանքը, ինչպես նաեւ երիտասարդության մոտ ազգային ինքնագիտակցության ամրացմանը նպաստելը:

«Մեր մեծերը» խորագրով միջոցառումը 2009-ին նվիրվել է սփյուռքի մեծանուն հայերին: Տարվա ընթացքում անցկացվող միջոցառումները նվիրվելու են Շառլ Ազնավուրին, Քըրք Քըրքորյանին եւ Ալեք Մանուկյանին:

Միջոցառումների շարքը մեկնարկել է մայիսի 14-ին Երեւանի թիվ 186 միջնակարգ դպրոցում «Շառլ Ազնավուրի օրվա» անցկացումով, եւ կավարտվի հոկտեմբերի 23-ին Աշտարակի թիվ 1 միջնակարգ դպրոցում «Քըրք Քըրքորյանի օրվա» անցկացումով: