Բուխարեստում մայիսի 6-24-ը տեղի ունեցած երաժշտության Միջազգային փառատոնում հայկական Art Voices էթնո-ջազ խումբը Grand Prix է ստացել: Մրցույթին մասնակցում էին խմբեր 30 երկրներից: Եզրափակիչ դուրս է եկել Art Voices խումբը, ինչպես նաեւ խմբեր Իսրայելից, Հունգարիայից եւ Գերմանիայից: Art Voices-ի անդամներից մեկի` Մանուկ Ղազարյանի խոսքերով, իրենց հաղթանակի համար երաժիշտները շնորհակալություն են հայտնել հայկական մելոսին, որը խմբի կողմից կատարվող երաժշտության հիմքն է: «Փառատոնին մասնակցելու եւ հաղթելու շնորհիվ մենք առաջարկություն ենք ստացել 5 համերգներով ելույթ ունենալ եվրոպական երկրներում»,- նշել են երաժիշտները:

Խմբի կողմից հատուկ շնորհակալության է արժանացել Շուշան Պետրոսյանը, առանց որի Art Voices-ը չէր կարող գնալ Ռումինիա: Պետրոսյանը, իմանալով, որ հայկական խումբը կիսաեզրափակիչ է դուրս եկել, բայց հնարավորություն չունի մասնակցել դրան ֆինանսական դժվարությունների պատճառով, հովանավորներ է գտել:


Art Voices էթնո-ջազ խումբը գոյություն ունի շուրջ 4 տարի: