29 հունիսի 2009 - 15:31 AMT
Հայաստանում կմշակվի տեխնիկական անվտանգության հայեցակարգ
Տեխնիկական անվտանգության հայեցակարգի մշակման աշխատանքային խումբը հունիսի 29-ին գումարել է անդրանիկ նիստը, որը վարել է Ազգային անվտանգության խորհրդի քարտուղար, Եվրոպական կառույցների հետ Հայաստանի համագործակցությունը համակարգող միջգերատեսչական հանձնաժողովի նախագահ Արթուր Բաղդասարյանը:

Ինչպես հաղորդում է Ազգային անվտանգության խորհրդի աշխատակազմի մամուլի ծառայությունը, նշելով, որ հայեցակարգի մշակումը նախատեսված է «Ազգային անվտանգության ռազմավարությամբ» եւ «Հայաստան-Եվրամիություն» 2009-2011 թվականների ծրագրով` Արթուր Բաղդասարյանը կարեւորել է տեխնիկական անվտանգության ժամանակակից համակարգի ձեւավորումը, այս ոլորտում առկա եվրոպական լավագույն փորձի ուսումնասիրությունն ու իրավական դաշտի կատարելագործումը:

Նիստում որոշվել է եվրոպական փորձագետների հետ համագործակցությամբ հնարավոր կարճ ժամկետներում մշակել հայեցակարգի նախագիծն ու դրանից բխող իրավական ակտերը եւ սահմանված կարգով ներկայացնել հաստատման: