Խոսելով ահաբեկչության դեմ պայքարի ոլորտում ադրբեջանա-թուրքա-վրացական եռակողմ համագործակցությանը Հայաստանի մասնակցության հեռանկարների մասին` Ադրբեջանի ներքին գործերի նախարար Ռամիլ Ուսուբովը հայտարարել է, որ դա հնարավոր կլինի միայն «ղարաբաղյան հակամարտության արդարացի կարգավորումից հետո տարածքային ամբողջականության սկզբունքից ելնելով»: Նմանատիպ հայտարարություն է արել նաեւ Թուրքիայի արտաքին քաղաքականության գերատեսչության ղեկավար Քյազիմ Յուջելենը, որը ասել է, թե Հայաստանը կկարողանա միանալ «Ահաբեկչության, կազմակերպված եւ այլ ծանր հանցագործությունների հետ պայքարում համագործակցության վերաբերյալ» համաձայնագրին, եթե «հարգի տարածաշրջանի երկրների տարածքային ամբողջականությունը»: Այսպիսով, ակնհայտ է դառնում, որ Բաքուն եւ Անկարան շարունակում են Երեւանի մեկուսացմանը ուղղված համաձայնեցված քաղաքականությունը: Ինչպես հայտնի է, դրան դեմ են հանդես գալիս միջազգային կազմակերպությունները եւ մեծ տերությունները: Հիշեցնենք, որ ԱՊՀ երկրների Հավաքական անվտանգության խորհրդի գլխավոր քարտուղար Վալերի Նիկոլայենկոն վերջերս հայտարարել է, որ ահաբեկչության դեմ պայքարի վերաբերյալ ադրբեջանա-վրացա-թուրքական պայմանագրի կնքումը կհարուցի Ռուսաստանի Դաշնության մտահոգությունը:
Լրատվության արտատպելու, կամ օգտագործելու դեպքում հղումը "PanARMENIAN.Net"-ի վրա պարտադիր է: