«ՎիմպելԿոմ» ԲԲԸ (ապրանքանիշը` Beeline) ԱՊՀ երկրներում բիզնեսի զարգացման գծով գործադիր փոխնախագահ Դմիտրի Պլեսկոնոսը PanARMENIAN.Net-ի թղթակցի հետ զրույցում կապի սեփական ուղիներով Beeline ընկերության կողմից IP-հեռուստատեսության ծառայության հնարավոր տրամադրման առնչությամբ ասել է, որ ընկերությունում հիշում են տվյալ նախագծի մասին, սակայն այժմ Հայաստանում ընկերությունն առաջնային խնդիր է համարում բնակչությանն ինտերնետի հասանելիության բարձր որակով ապահովելը:

«Հետագայում, բնակչության մոտ ինտերնետի հասանելիության բարձր որակի առկայության դեպքում, IPTV-ին կդառնա պարզապես լրացուցիչ ծառայություն` դա ընկերության երկրորդ առաջնային խնդիրն է», - ընդգծել է գործադիր փոխնախագահը:

Ինչ վերաբերում է տվյալ ծառայության տրամադրման համար ենթակառույցի թողունակությանը, ապա, ինչպես ասել է Դմիտրի Պլեսկոնոսը, իրենց տրամադրության տակ եղած նոր սարքավքորումները միանգամայն բավարար են այդ կարգի ծառայության տրամադրման համար: