AKP. Արձանագրությունների վավերացման համար վերջնական ժամկետ չկա
Թուրքիայի կառավարությունը Ցյուրիխում ստորագրված Արձանագրությունները հայ-թուրքական հարաբերությունների կարգավորման մասին ընթացիկ շաբաթվա մեջ կուղարկի երկրի խորհրդարան, սակայն դրանց վավերացման վերջնական ժամկետ չկա: Այդ մասին հայտնել է Թուրքիայի խորհրդարանական խմբի նախագահ, Արդարություն եւ զարգացում (AKP) կուսակցության անդամ Բեքիր Բոզդագը: «Վավերացման գործընթացը կտեւի այնքան ժամանակ, մինչեւ ղարաբաղյան հակամարտության կարգավորման գործում առաջընթաց արձանագրվի»,- ասել է թուրք պատգամավորը:
Արձանագրությունները շուտով կներկայացվեն Թուրքիայի խորհրդարան, բայց դեռեւս պարզ չէ, թե երբ տեղի կունենա քվեարկությունը: Դրանց վավերացման համար վերջնական ժամկետ չկա, եւ ինչպես գրում է թուրքական Today's Zaman թերթը, դրանց վավերացման գործընթացը կարող է մի քանի տարի տեւել:
Չորեքշաբթի օրը Թուրքիայի արտգործնախարար Ահմետ Դավութօղլուն թուրքական խորհրդարանում Արձանագրությունների վերաբերյալ ելույթ կունենա: «Թե երբ կվավերացվեն Արձանագրությունները, կախված է մեր խորհրդարանից»,- ասել է Թուրքիայի ԱԳՆ ղեկավարը:
Արձանագրությունները շուտով կներկայացվեն Թուրքիայի խորհրդարան, բայց դեռեւս պարզ չէ, թե երբ տեղի կունենա քվեարկությունը: Դրանց վավերացման համար վերջնական ժամկետ չկա, եւ ինչպես գրում է թուրքական Today's Zaman թերթը, դրանց վավերացման գործընթացը կարող է մի քանի տարի տեւել:
Չորեքշաբթի օրը Թուրքիայի արտգործնախարար Ահմետ Դավութօղլուն թուրքական խորհրդարանում Արձանագրությունների վերաբերյալ ելույթ կունենա: «Թե երբ կվավերացվեն Արձանագրությունները, կախված է մեր խորհրդարանից»,- ասել է Թուրքիայի ԱԳՆ ղեկավարը:
