ԱՄՆ-ն ներկայումս ի վիճակի չէ երաշխավորել հայ-թուրքական հարաբերությունների կարգավորման գործընթացը: Այդ մասին Երեւանում կայացած մամլո ասուլիսում հայտարարել է քաղաքագետ Իգոր Մուրադյանը: «Ո'չ Հայաստանը, ո'չ Թուրքիան պատրաստ չեն շարունակել սկսված գործընթացը, եւ ստորագրված Արձանագրությունները, ավելի շուտ Արձանագրություններ են Անկարայի ու Վաշինգտոնի միջեւ, քան Երեւանի ու Անկարայի»,-ասել է քաղաքագետը` ընդգծելով, որ առանց արտաքին ազդեցության հայ-թուրքական երկխոսության շարունակությունն անհնար է:

Նրա խոսքերով, գործընթացը շարունակելու համար հարկավոր է Վաշինգտոնի աջակցությունը, ինչն այժմ չկա: Ելնելով դրանից` Թուրքիան, ինչպես նշել է Մուրադյանը, պետք է կասեցնի գործընթացը Հայաստանի հետ: «Անկարան չի ցանկանում ենթարկվել ամերիկյան ճնշմանը», իսկ Արձանագրությունների վավերացումը այդ ճնշման դրսեւորում է»,-ասել է քաղաքագետը: