Սեւրում տեղի կունենա Արեւմտահայերի երկրորդ Կոնգրեսը
Արեւմտյան Հայաստանի հայերի երկրորդ Կոնգրեսը կկայանա Փարիզի արվարձանում` Սեւրում, նոյեմբերի 21-ին եւ 22-ին: Կոնգրեսը տեղի կունենա «Սամվել Մուրադ» ուսումնարանի դահլիճում: Միջոցառման ընթացքում կանցկացվեն սեմինարներ եւ կլոր սեղաններ` նվիրված Արեւմտյան Հայաստանին ու արեւմտահայերի իրավունքներին: Կոնգրեսի արդյունքում որոշումներ կկայացվեն 2010թ. կազմակերպության գործունեության առնչությամբ, հաղորդում է Ռուսաստանի հայերի «Երկրամաս» թերթը:
Կոնգրեսն իր աշխատանքը կավարտի նոյեմբերի 22-ին` այն օրը, երբ լրանում է ԱՄՆ նախագահ Վուդրո Վիլսոնի կողմից Արեւմտյան Հայաստանի ու Թուրքիայի միջեւ սահմանի որոշման 89 տարին, այդ սահմանը որոշիչ դարձավ Առաջին աշխարհամարտի արդյունքում կնքված Սեւրի հաշտության պայմանագրի համար: Սեւրում տեղական իշխանությունները Սեւրի պայմանագրին նվիրված ցուցահանդես են կազմակերպել, որտեղ ցուցադրվում են զանազան փաստաթղթեր, քարտեզներ եւ լուսանկարներ:
Կոնգրեսն իր աշխատանքը կավարտի նոյեմբերի 22-ին` այն օրը, երբ լրանում է ԱՄՆ նախագահ Վուդրո Վիլսոնի կողմից Արեւմտյան Հայաստանի ու Թուրքիայի միջեւ սահմանի որոշման 89 տարին, այդ սահմանը որոշիչ դարձավ Առաջին աշխարհամարտի արդյունքում կնքված Սեւրի հաշտության պայմանագրի համար: Սեւրում տեղական իշխանությունները Սեւրի պայմանագրին նվիրված ցուցահանդես են կազմակերպել, որտեղ ցուցադրվում են զանազան փաստաթղթեր, քարտեզներ եւ լուսանկարներ:
