Հունվարի 21-ն «Նարեկացի» կենտրոնում տեղի ունեցավ ռեժիսոր, պրոդյուսեր, սցենարիստ եւ լուսանկարիչ Դոն Ասկարյանի լուսանկարների ցուցահանդեսը: «Այս ցուցահանդեսը հիանալի սկիզբ է մեր կենտրոնի ուսումնական ծրագրերի համար», - ասել է կենտրոնի գեղարվեստական ղեկավար Լեւոն Իսկենյանը: Նա նաեւ ավելացրել է, որ բացի ցուցահանդեսից, հունվարի 21-25-ը կցուցադրվեն Դոն Ասկարյանի ֆիլմերը, այդ թվում եւ նրա «Հայր» նոր գործը: Երիտասարդ արվեստների գործիչների համար կենտրոնը կազմակերպում է նաեւ ռեժիսորի վարպետության դասընթացները, որոնք տեղի կունենան հունվարի 23-25-ը:

Շնորհակալություն հայտնելով կազմակերպիչներին, ռեժիսորը ավելացրել է. «Իմ փոխարեն պետք է խոսեն իմ ֆիլմերը եւ լուսանկարները», - ասել է նա:

Դոն Ասկարյան` ռեժիսոր, սցենարիստ, նկարիչ, մոնտաժեր է: Ծնվել է 1949 թ-ն Լեռնային Ղարաբաղում: 1967-1973թթ. Մոսկվայում ուսումնասիրել է արվեստների պատմությունը: Անդրեյ Տարկովսկու սաներից է: 1975 թ-ն տեղափոխվել է Գերմանիա: Եվ միայն Հայաստանի անկախանալուց հետո վերադարձավ հայրենիք եւ սկսեն ֆիլմեր նկարահանել: Մինչեւ 1975 թ-ի ձերբակալությունը աշխատել է ռեժիսորի օգնական եւ կինոքննադատ: 1978 թ-ց ապրում է Բեռլինում: Հետեւյալ ֆիլմերի հեղինակն է` «Ավետիք» (1992), «Փարաջանով» (1998), Կոմիտաս, «Արարատի 14 տեսարան» եւ այլն: