ՀՀ տնտեսական մրցակցության պաշտպանության պետական հանձնաժողովը թույլատրել է “Ամերիաբանկի” սեփականատեր “Թի Դի Էյ Հոլդինգս Լիմիթեդի” կողմից “Կասկադ բանկի” ձեռքբերման գործարքը, հաղորդում է հանձնաժողովի մամլո ծառայությունը:
Հանձնաժողովը որոշումը կայացրել է` հիմք ընդունելով “Ամերիաբանկի”, դրա սեփականատեր “Թի Դի Էյ Հոլդինգս Լիմիթեդ” ՍՊԸ-ի և “Կասկադ բանկի” կողմից ներկայացված համակենտրոնացման մասին դիմում-հայտարարագիրը:
“Թի Դի Էյ Հոլդինգս Լիմիթեդ” Կիպրոսի սահմանափակ պատասխանատվությամբ ընկերությունը դիմելով հանձնաժողով հայտնել է, որ “Կասկադ բանկի” բաժնետոմսերը ձեռք են բերվելու “Ամերիաբանկի” ավելի քան 99,99 % բաժնետեր “Թի Դի Էյ Հոլդինգս Լիմիթեդի” կողմից (վերջին երկուսը անձանց խումբ են հանդիսանում): Դիմումներով հանձնաժողով է ներկայացվել համակենտրոնացման հայտարարագիրը: Վերոնշյալ գործարքով նախատեսվում է անձանց խմբի կողմից “Կասկադ բանկի” բաժնետոմսերի 100 %-ի ձեռքբերում:
Հաշվի առնելով այն հանգամանքը, որ առկա չեն անձանց խմբի և “Կասկադ բանկի” համակենտրոնացումն արգելելու վերաբերյալ հանգամանքներ, ՀՀ տնտեսական մրցակցության պաշտպանության պետական հաձնաժողովը թույլատրել է բանկերի համակենտրոնացումը:
