Ինչպես PanARMENIAN.Net-ի թղթակցին հաղորդեց "Նոր ալիք" մրցույթի հայկական ազգային նախընտրական փուլի հասարակայնության հետ կապերի պատասխանատու Իզաբելլա Մանասարյանը, ապրիլի 14-ին Մոսկվայում կայացած կիսաեզրափակչում ժյուրին գերապատվությունը տվեց Հայաստանի երկու ներկայացուցիչներից միայն մեկին` Սոնա Շահգելդյանին, և հենց նա էլ Յուրմալա կմեկնի "Նոր ալիք" մրցույթին մասնակցելու համար:

Հայաստանում ազգային նախընտրական փուլն առաջին անգամ էր ընթանում: Դրան մասնակցում էին 28 երիտասարդ կատարողներ, որոնցից կիսաեզրափակիչ հասան երկու թեկնածուներ` Սոնա Շահգելդյանն ու Անի Արզումանյանը: "Նոր ալիք" մրցույթը տեղի կունենա հուլիսի 27-ից օգոստոսի 1-ը Յուրմալայում` Լատվիա: