Հայաստանի Կենտրոնական բանկի նախագահ Արթուր Ջավադյանը մեկնել է Մոսկվա` մասնակցելու Միջպետական բանկի խորհրդի հերթական նիստին:
Ինչպես հայտնում է ԿԲ մամլո ծառայությունը, նիստի ժամանակ քննարկվելու են Միջպետական բանկի նախագահի ընտրությունները, բանկի գործունեությունը 2009-ին, տարեկան ֆինանսական հաշվետվության, շահույթի բաշխման, ինչպես նաև ֆինանսական հաշվետվության միջազգային ստանդարտներին անցնելու հարցերը:
Բացի դրանից, հանդիպմանը քննարկվելու են Միջպետական բանկի անդամ երկրների ազգային արժույթների կիրառման վրա հիմնված վճարահաշվարկային համակարգի զարգացման, բանկի առաքելության և զարգացման գաղափարախոսության, ներդրումային գործիքների ընդլայնման հարցերը:
Միջպետական բանկը միջազգային ֆինանսական կազմակերպություն է` հիմնված 1993թ. ԱՊՀ տասը երկրների կողմից: Բանկի գործունեության հիմնական ուղղությունը հարցերի լուծումն է, որոնք առաջանում են ֆինանսների ոլորտում ԱՊՀ երկրների համագործակցության ժամանակ: