Ապրիլի 24-ի նախաշեմին Թուրքիան նախապատրաստական քայլեր է ձեռնարկում: Այս մասին Երևանում տեղի ունեցած մամլո ասուլիսի ժամանակ ասել է թուրքագետ Ռուբեն Մելքոնյանը: Նրա խոսքերի համաձայն, այդ են վկայում Հայաստան ժամանած լրագրողների բանակը, թուրք էլիտայի ներկայացուցիչների որոշումը` Հայոց ցեղասպանության զոհերի հիշատակման երթ կազմակերպելու մասին:
“Իրականում այդ ամենը չի նշանակում, թե Հայոց ցեղասպանությունը ընդունում է թուրք մտավորականությունը”, - ասել է Մելքոնյանը, ավելացնելով, որ այդ նույն մարդիկ նախկինում կազմակերպել էին նույնատիպ ակցիաներ, և նախաձեռնողներից մեկը մի անգամ հայտարարել է, որ ակցիան ուղղված էր թուրք պետականության շահերը պաշտպանելուն: “Սրանից ելնելով, այս ակցիայի անկեղծ լինելը կասկածելի է”, - ասել է Մելքոնյանը:
Հայ փորձագետը նկատել է նաև, որ Հայոց ցեղասպանության միջազգային ճանաչման գործընթացը կանխելու համար Թուրքիան ջանքեր է գործադրում հայկական սփյուռքի ներկայացուցիչների հետ կապեր հաստատելու համար, դրանով հանդերձ փորձում է սեպ խրել Հայաստանի ու սփյուռքի միջև, ինչպես նաև պառակտել սփյուռքը:
Մեկնաբանելով այն, թե արդյոք ԱՄՆ նախագահ Բարաք Օբաման կարտասանի՞ “ցեղասպանություն” տերմինը, Մելքոնյանը տարակուսանք է հայտնել:
“Հայաստանը պետք է մտածի Ցեղասպանության հետևանքների իրավական տեսանկյունի մասին”, - ասել է Մելքոնյանը:
