Հայաստանի բանկերի միության նախկին նախագահ, «Պրոմեթեյ բանկի» վարչության նախագահ Էմիլ Սողոմոնյանը ողջունում է երկրի բանկային համակարգի կոնսոլիդացիան: «Մենք ողջունում ենք միաձուլումը, որին գնաց Կասկադ բանկը: Դա օրինաչափ է, քանի որ միաձուլման արդյունքում բանկերը կհզորանան և լավագույն պայմանները կստեղծվեն վարկավորման և սպասարկման համար»,-նշել է նա:
Ինչ վերաբերում է «Պրոմեթեյ բանկին», բանկը նման մտադրություններ չունի: «Բանկը բավարար միջոցներ ունի և մենք պատրաստ ենք վարկային միջոցներ տրամադրել անսահմանափակ քանակով»,-ասել է Էմիլ Սողոմոնյանը PanARMENIAN.Net-ի թղթակցի հետ զրույցում:
Ընդ որում Սողոմոնյանն ընդգծել է, որ Հայաստանի տարածքում գործող բոլոր 21 բանկերն այսօրվա դրությամբ մեծ խնդիրներ չունեն, իսկ ՀՀ բանկային համակարգի հետագա կոնսոլիդացիան հնարավոր է և կախված է բանկերի բաժնետերերից և նրանց ներդրումային հնարավորություններից: