Հայաստան է ժամանում Արգենտինայի արտաքին գործերի նախարարը
Մայիսի 20-ին արտգործնախարար Էդվարդ Նալբանդյանի հրավերով աշխատանքային այցով Հայաստան կժամանի Արգենտինայի արտաքին գործերի նախարար Խորխե Տայանան:
Այցի ընթացքում նախատեսված են Խորխե Տայանայի հանդիպումները Հայաստանի նախագահ Սերժ Սարգսյանի եւ արտաքին գործերի նախարար Էդվարդ Նալբանդյանի հետ:
Նախարար Խորխե Տայանան մայիսի 21-ին կմասնակցի նաեւ Հայաստանում Արգենտինայի դեսպանության բացման պաշտոնական արարողությանը: Նույն օրը տեղի կունենա Հայաստանի եւ Արգենտինայի արտգործնախարարների հանդիպումը: Հանդիպումից անմիջապես հետո Էդվարդ Նալբանդյանն ու Խորխե Տայանան հանդես կգան համատեղ մամուլի ասուլիսով, հաղորդում է ՀՀ ԱԳՆ մամլո ծառայությունը:
