Հակամարտությունների լուծման հարցը չի մտնում ԵՄ «Արևելյան գործընկերություն» նախաձեռնության ծրագրի մեջ: Այդ մասին Վարշավայում լրագրողներին է հայտնել Լեհաստանի ԱԳ նախարարի լիազորված անձ Անջեյ Չեշկովսկին : «Մենք չենք զբաղվում Հայաստանի ու Ադրբեջանի միջև առկա հիմնախնդրի, մերձդնեստրյան հակամարտության կամ Հարավային Օսեթայի ու Աբխազիայի խնդրի կարգավորմամբ»,- ասել է լեհական ԱԳՆ ներկայացուցիչը:
Նա նշել է, որ «Արևելյան գործընկերությունն» ուղղված է Եվրամիության արևելյան երկրներում եվրոպական արժեքների, չափանիշների ընդլայնմանը և այդ երկրների մերձեցմանը Եվրոպայի հետ: «Մեր առջև կարևոր նպատակներ են դրված` ասոցացման մասին պայմանագրի ստորագրում, 6 արևելյան երկրների հետ ԵՄ անցագրային ռեժիմի պարզեցում, ինչպես նաև այդ պետությունների տնտեսական ինտեգրացում»,- ասել է Չեշկովսկին:
