Հայաստանում գնաճի մակարդակն ավելի բարձր է, քան նշվում է պաշտոնական վիճակագրական տվյալներում, քանի որ իրական գնաճի մասին կարելի է դատել գնահատող տվյալներով կամ ՀՆԱ ինդեքսով, որն ընթացիկ տարվա մայիսին 2009-ի մայիսի համեմատ աճել է 10 տոկոսով, ինչն ըստ էության արտացոլում է գնաճի իրական պատկերը Հայաստանում, լրագրողներին մամլո ասուլիսում հայտնել է Կենտրոնական բանկի նախկին նախագահ Բագրատ Ասատրյանը:
Բագրատ Ասատրյանն ավելացրել է, որ սա իրական տնտեսական իրադրություն է օլիգարխիկ համակարգ ունեցող երկրում, որտեղ ամեն ինչ որոշում են մենաշնորհները:
2010-ի մայիսին ապրիլի համեմատ Հայաստանի սպառողական շուկայում գրանցվել է 1 տոկոս գնաճ: Միաժամանակ հաշվետու շրջանում 2009-ի մայիսի համեմատ սպառողական գների ինդեքսը կազմել է 106.3 տոկոս: