Հայաստանի Ազգային անվտանգության խորհրդի քարտուղար Արթուր Բաղդասարյանը հունիսի 9-ին ընդունել է Հայաստանում Ավստրիայի Հանրապետության նորանշանակ դեսպան Մայքլ Փոսթլին:

Շնորհավորելով դեսպանին նշանակման կապակցությամբ` Արթուր Բաղդասարյանը հույս է հայտնել, որ նրա պաշտոնավարման ժամանակաընթացքում հայ-ավստրիական բարեկամական հարաբերությունները որակական նոր մակարդակի կհասնեն:

Երկուստեք կարևորվել է համագործակցության խորացումը անվտանգության, արտակարգ իրավիճակների, ոստիկանության կրթության, մշակույթի, տնտեսության ոլոտներում:

Զրուցակիցները մտքեր են փոխանակել Հայաստան - Եվրամիություն հարաբերությունների խորացման, ինչպես նաև Հարավային Կովկասի տարածաշրջանային զարգացումների շուրջ, հաղորդում է ՀՀ ԱԱԽ քարտուղարի մամլո գրասենյակը: