Ալյուրի գնորդները Հայաստանում գնաճ են ակնկալում
Ցորենի համաշխարհային շուկայում արձանագրվել է գնաճի միտում, ինչը պայմանավորված է երաշտով: Ինչպես հուլիսի 29-ին ՀՀ կառավարությունում հայտարարեց Հայաստանի գյուղատնտեսության նախարար Գերասիմ Ալավերդյանը, հայկական ընկերությունները ևս ակնկալում են ալյուրի գնի աճ: «Այս տարին բերքառատ չէր, ուստի շուկան կորոշի ալյուրի գինը»,-ասել է նա:
Ընդ որում Գերասիմ Ալավերդյանը հավելեց, որ գյուղատնտեսության նախարարությունն ակտիվորեն համագործակցում է Տնտեսական մրցունակության պաշտպանության պետական հանձնաժողովի հետ, թույլ չտալու համար, որ խախատվեն ազատ մրցակցության կանոնները:
Ըստ նրա, այսօրվա դրությամբ, դա ոչ միայն Հայաստանի խնդիրն է, այլ ողջ աշխարհի: «Ես ծանոթացել եմ ՄԱԿ-ի զեկույցին, որի համաձայն ակնկալվում է ցորենի գնի աճ 40 տոկոսով»,-ասել է նա:
