«ReAnimania-ն լավագույն փառատոններից մեկն է, քանի որ դրա ստեղծման համար ջանադրաբար աշխատել են շատ մարդիկ: Շատ կարևոր էր չկորցնել այն, ինչ ձեռք էր բերվել մեկ տարվա տքնաջան աշխատանքի շնորհիվ և Վրեժ Քասունին կարողացավ այդ», - ասել է Exodus Film Group ընկերության նախագահ, Walt Disney և Warner Broth Feature animations ընկերությունների նախկին աշխատակից Մաքս Հովարդը` սեպտեմբերի 9-ին Երևանում տեղի ունեցած մամլո ասուլիսի ժամանակ:

Նրա հետ համաձայն էր նաև Aardman անիմացիոն ստուդիայի հիմնադիրներից մեկը` Դևիդ Սպրոքսոնը: Նա ավելացրել է նաև, որ որպես Բրիստոլի Encounters փառատոնի ղեկավար ինքը շահագրգռված է հայկական անիմացիոն ֆիլմերի ցուցադրմամբ և ֆիլմերի փոխանակմամբ: «Չորսամյա դադարից հետո փառատոնը կրկին վերսկսելու է իր աշխատանքը, և մենք շահագրգռված ենք նրա սահմանները ավելի ընդարձակելու հարցում», - ասել է Դևիդ Սպրոքսոնը:

ReAnimania փառատոնի տնօրեն Վրեժ Քասունին ավելացրել է, որ Հայաստանը Անդրկովկասի առաջին երկիրն է, որի ֆիլմերը ցուցադրվելու են Բրիստոլի փառատոնում: