ՄԱԿ-ի արդյունաբերական զարգացման ծրագիրը (UNIDO/ՄԱԱԶԿ) «Հայաստանի և Վալոնիայի մարզի (Բելգիա) գործարարների միջև արդյունաբերական համագործակցության խթանման աջակցում» ծրագրի շրջանակներում, համագործակցելով Հայկական զարգացման գործակալության և Վալոնիայի ներդրումային գործակալության (AWEX) հետ, կազմակերպում է հայ և վալոնացի գործարարների հանդիպում Երևանում սեպտեմբերի 14-15-ը:
Ինչպես հաղորդում է ՄԱԿ երևանյան գրասենյակը, հանդիպմանը նախորդած ժամանակահատվածում ի հայտ են բերվել երկկողմանի համագործակցության համար հետաքրքրություն ներկայացնող սննդի վերամշակման, էներգիայի, քիմիական և դեղագործական հատվածների, նոր տեխնոլոգիաների ոլորտները: Ֆորումին կմասնակցեն ՀՀ էկոնոմիկայի նախարար Ներսես Երիցյանը, ՀՀ-ում Բելգիայի Թագավորության արտակարգ և լիազոր դեսպան Ստեֆան Լոքերը, Հայկական Զարգազման Գործակալության գլխավոր տնօրեն Ռոբերտ Հարությունյանը,Վալոնիայի արտահանման ու ներմուծման ներդրումային գործակալության (AWEX) գործադիր տնօրեն Ֆիլիպ Սույինեն, հայ և բելգիացի գործարարներ:
