Շախմատի «Միկա» կանանց ակումբի շախմատիստուհիները, որոնք բրոնզե մեդալներ են նվաճել Եվրոպայի առաջնությունում, և ակումբի ղեկավար Աշոտ Վարդապետյանը հոկտեմբերի 28-ին հանդիպել են լրագրողների հետ:
Վարդապետյանը նշել է, որ երրորդ տեղը Եվրոպայի առաջնությունում վատ ցուցանիշ չէ: «Մեր ակումբին մրցակիցները շատ լուրջ են վերաբերվում «Միկային» և լավ են պատրաստվում նրա հետ խաղերին: Եթե նախկինում թիմում հիմնականում այլ երկրների շախմատիստներ էին մասնակցում, ապա այժմ այնտեղ հանդես են գալիս հիմնականաում հայուհիներ և միայն մեկ այլազգի շախմատիստուհի կա՝ Հնդկաստանից:
Ըստ «Միկայի» ղեկավարի, ուրախալի է, որ շախմատիստուհիները կարողացան լավ արդյունքներ ցույց տալ նաև անհատական վարկանիշում՝ Լիլիթ Գալոյանը ոսկե մեդալի արժանացավ, իսկ Լիլիթ Մկրտչյանն ու Արիկա Դրոնովալին արծաթե մեդալներ ստացան:
«Առաջնությանը մասնակցում էին շատ ուժեղ ակումբներ, որոնք իրենց կազմով կարող են համեմատվել աշխարհի հավաքականի հետ: Օրինակ, «Մոնտե Կառլոյի» հավաքականում հանդես էին գալիս շատ բարձր վարկանիշ ունեցող շախմատիստուհիներ»,-հավելել է Վարդազարյանը:
