7 հունվարի 2011 - 15:13 AMT
Երկարաձգված հակամարտությունների հարցում Լիտվայի նախագահությունն ԵԱՀԿ-ում հեղափոխական չի լինի

Լիտվայի նախագահությունն ԵԱՀԿ-ում հեղափոխական չի լինի: Այդ մասին հայտնել է երկարաձգված հակամարտությունների գծով ԵԱՀԿ նախագահի հատուկ ներկայացուցիչ Գեդրյուս Չեկուոլիսը: Նրա խոսքով` երկարաձգված հակամարտություններում առաջընթացի ձգտելու գործում նախագահ երկրի նպատակը կդառնա կազմակերպության անդամ երկրների քաղաքական կամքի ակտիվացումը:

Ղազախստանը ԵԱՀԿ-ում նախագահությունը Լիտվային փոխանցեց 2011 թվականի հունվարի 1-ին: ԵԱՀԿ-ում Վիլնյուսի նախագահության պաշտոնական առաջնահերթություններն են հանդիսանում էներգետիկ անվտանգությունը, խոսքի ազատությունը, հանդուրժողականության առաջխաղացումը, սառեցված հակամարտությունների լուծումը և այլն, հաղորդում է The Baltic Course-ը: