Հունվարի 26-ին ԱՄՆ դաշնային դատարանը որոշել է «Գաֆեսճյան ընտանիք» հիմնադրամին վերադարձնել Վաշինգտոնի կենտրոնում գտնվող շենքը, որտեղ նախատեսվում է բացել Հայոց ցեղասպանության թանգարանը: Ինչպես հայտնում է Armenian Reporter-ը, շենքը ձեռք է բերել հայտնի բարերար Ջերարդ Գաֆեսճյանը: Նշվում է, որ այդ որոշմամբ դատարանը չեզոքացրեց թանգարանի ստեղծման բոլոր խոչընդոտները:

Դատարանը մերժել է նաև մեկ այլ հայ բարերար Հրայր Հովնանյանի ու նրա գործընկերների պահանջները՝ վերականգնելով «Գաֆեսճյան ընտանիք» հիմնադրամի իրավունքները թանգարանի կառավարման խորհրդում:

Դատարանը որոշում է կայացրել 2010թ. նոյեմբերին կայացած 11-օրյա լսումների հիման վրա: