Հայաստանի կառավարությունում փետրվարի 1-ին կայացել է «Զարգացման հայկական գործակալություն» ՓԲԸ Խորհրդի նիստ, որը վարել է վարչապետ, խորհրդի նախագահ Տիգրան Սարգսյանը։
Ինչպես նշվում է ՀՀ կառավարության մամլո ծառայության հաղորդագրության մեջ, Խորհրդի նիստում ԶՀԳ գլխավոր տնօրեն Ռոբերտ Հարությունյանը ներկայացրել է 2010թ. գործակալության գործունեության հաշվետվությունը, ինչպես նաև 2011թ. միջոցառումների ծրագիրը մի շարք թիրախային ոլորտներում` արտահանման խթանման, գործարար և ներդրումային միջավայրի բարելավման ու ՏՏ ոլորտի զարգացման ուղղությամբ:
«Զարգացման հայկական գործակալություն» ՓԲԸ Խորհուրդը հաստատել է 2010թ. գործունեության հաշվետվությունը, ինչպես նաև 2011թ. միջոցառումների ծրագիրը:
Նիստում հաստատվել է նաև գործակալության 2011թ. ֆինանսական ծախսերի նախահաշիվը: Կառավարության ղեկավարը հանձնարարել է «ԶՀԳ» ՓԲԸ գլխավոր տնօրենին 2011թ. ծախսերի հիմնավորումներն ուղարկել ՀՀ ֆինանսների նախարարություն: Կառավարության ղեկավար Տիգրան Սարգսյանը հանձնարարել է «ԶՀԳ» ՓԲԸ գլխավոր տնօրենին 2011թ. ծախսերի հիմնավորումներն ուղարկել ՀՀ ֆինանսների նախարարություն:
