Իրանի Իսլամական հեղափոխությունն իր գաղափարախոսությամբ տարբերվում է այլ հեղափոխություններից: Այդ մասին Երևանում «Իսլամական հեղափոխությունը համեմատական համատեքստում» գիտաժողովի ժամանակ հայտարարել է Հայաստանում Իրանի դեսպան Սեյեդ Ալի Սաղայանը: Նրա խոսքերով, այդ հեղափոխության առանձնահատկությունն այն է, որ այն չի սկսվել զինվորականների կամ հեղափոխական շարժումների կողմից: Այդ առումով նա նշել է, որ հեղափոխության գաղափարախոսության առանցքը եղել է մարդը: «Հեղափոխության առաջանորդն առաջին հերթին փիլիսոփա էր և իսլամի մեծագույն առաջնորդ»,- ասել է դեսպանը:
Միաժամանակ, նա նշել է, որ հեղափոխությունից 32 տարի անց, չնայած բոլոր դժվարություններին, Իրանի ժողովուրդը միշտ կանգնել է երկրի ղեկավարության կողքին: «Բոլոր այս 32 տարիները ցույց են տվել, որ չնայած բոլոր բարդություններին, խնդիրներին և պատժամիջոցներին, մենք տեսնում ենք, որ Իրանը շարունակում է զարգանալ»,- ասել է նա: