«Այն, որ մեզ թույլ տվեցին ցույց անցկացնել Ազատության հրապարակում, մեր առաջին հաղթանակն է այս փուլում»,- հայտնել է ընդդիմադիր Հայոց Համազգային Շարժման վարչության նախագահ Արամ Մանուկյանը: ՀԱԿ կողմնակիցները պատրաստվում են ցույցին: Մանուկյանը հաղորդել է, որ մոտ ժամանակներս հրապարակ կբերվեն դինամիկներն ու բոլոր անհրաժեշտ սարքավորումները, որից հետո ցույցը կմեկնարկի:
Ոստիկանությունը հայկական ընդդիմության հանրահավաքի մասնակիցներին թույլ է տվել մտնել Ազատության հրապարակ: Ինչպես դեպքի վայրից հաղորդում է PanARMENIAN.Net-ի թղթակիցը, ՀԱԿ համակարգող Լևոն Զուրաբյանը ժողովրդին կոչ է արել ոչ մի դեպքում չվնասել հրապարակում գտնվող մանկական ատրակցիոնները: Ոստիկանությունը Զուրաբյանի և ՀՀ Ոստիկանության պետի տեղակալ Ալեքսանդր Աֆյանի միջև բանակցություններից հետո թույլ է տվել ցուցարարներին մտնել հրապարակ:
