Արցախի Հանրապետության նախագահ Բակո Սահակյանը մարտի 21-ին ընդունել է Հայ Առաքելական եկեղեցու Ֆրանսիայի թեմի առաջնորդ Նորվան արքեպիսկոպոս Զաքարյանին և թեմի առաջնորդարանի դիվանապետ Գրիգոր Դավթյանին: Հանդիպմանը քննարկվել են Հայրենիք-Սփյուռք, եկեղեցի-պետություն կապերի ամրապնդմանը վերաբերող հարցեր:
Երկրի ղեկավարը կարևորել է Հայ Առաքելական եկեղեցու դերը Արցախ-Սփյուռք համագործակցության խորացման, երկրի զարգացման և առողջ հասարակության ձևավորման տեսանկյունից` միաժամանակ ընդգծելով Հայ Առաքելական եկեղեցու թեմերի միջև կապերի շարունակական ընդլայնման անհրաժեշտությունը:
Հանդիպմանը մասնակցում էին Հայ Առաքելական եկեղեցու Արցախի թեմի առաջնորդ Պարգև արքեպիսկոպոս Մարտիրոսյանը, պաշտոնատար այլ անձինք, հաղորդում է Արցախի Հանրապետության նախագահի աշխատակազմի տեղեկատվության գլխավոր վարչությունը: